ਪ੍ਰਧਾਨ ਨੇ ਪ੍ਰੈਸ ਕਾਨਫਰੰਸ ਕਰ ਕੀਤਾ ਖੰਡਨ
ਲੁਧਿਆਣਾ : ਐਸਸੀਡੀ ਗੌਰਮੈਂਟ ਕਾਲਜ ਦੇ ਬਾਹਰ ਬੀਤੇ ਦਿਨਾਂ ਕਾਲਜ ਦੀ ਪ੍ਰਧਾਨਗੀ ਨੂੰ ਲੈ ਕੇ ਐਨਐਸਯੂਆਈ ਵੱਲੋਂ ਇਕੱਠ ਰੱਖਿਆ ਗਿਆ ਸੀ। ਜਿਸਦੇ ਚਲਦਿਆਂ ਪੁਲਿਸ ਵੱਲੋਂ ਧਾਰਾ 144 ਦੇ ਉਲੰਘਣ ਤਹਿਤ ਕਾਰਵਾਈ ਕਰਦਿਆਂ ਸਟੂਡੈਂਟਾਂ ਨੂੰ ਖਦੇੜਿਆ ਗਿਆ ਸੀ। ਇਸ ਮਾਮਲੇ ਵਿੱਚ ਯੂਥ ਕਾਂਗਰਸ ਦੇ ਪ੍ਰਧਾਨ ਹੈਪੀ ਲਾਲੀ ਵੱਲੋਂ ਮਨੀ ਬਿਰਲਾ ਨੂੰ ਗੌਰਮੈਂਟ ਕਾਲਜ ਦੇ ਪ੍ਰਧਾਨ ਐਲਾਨੇ ਜਾਣ ਤੋਂ ਬਾਅਦ ਹੁਣ ਮਨੀ ਬਿਰਲਾ ਨੇ ਪ੍ਰੈਸ ਕਾਨਫਰਸ ਦੌਰਾਨ ਇਸ ਦਾ ਖੰਡਨ ਕੀਤਾ ਹੈ।
ਉਹਨਾਂ ਕਿਹਾ ਕਿ ਉਹ ਐਨਐਸਯੂਆਈ ਵੱਲੋਂ ਗੌਰਮੈਂਟ ਕਾਲਜ ਦੇ ਪ੍ਰਧਾਨ ਨਹੀਂ ਹਨ ਅਤੇ ਉਹ ਇੱਕ ਐਨਜੀਓ ਦੇ ਨਾਲ ਕੰਮ ਕਰ ਰਹੇ ਨੇ। ਉਧਰ ਐਨਜੀਓ ਸੇਫ ਦਾ ਲਾਈਵ ਦੇ ਮੁਖੀ ਅਮਿਤ ਕੁਮਾਰ ਨੇ ਕਿਹਾ ਕਿ ਉਹਨਾਂ ਦੀ ਸੰਸਥਾ ਦੇ ਨਾਲ ਮਨੀ ਬਿਰਲਾ ਕਾਫੀ ਲੰਬੇ ਸਮੇਂ ਤੋਂ ਕੰਮ ਕਰ ਰਹੇ ਹਨ। ਉਹ ਐਨਐਸਯੂਆਈ ਦੇ ਐਲਾਨੇ ਗਏ ਕਾਲਜ ਦੇ ਪ੍ਰਧਾਨ ਨਹੀਂ ਹਨ। ਉਹਨਾਂ ਕਿਹਾ ਸਟੂਡੈਂਟ ਕਾਲਜ ਵਿੱਚ ਪੜ੍ਹਾਈ ਕਰਨ ਜਾਂਦੇ ਨੇ ਨਾ ਕਿ ਲੜਾਈ ਕਰਨ।
