ਅੰਮ੍ਰਿਤਸਰ : ਪਿਛਲੇ ਦਿਨੀ ਥਾਣਾ ਗੇਟ ਹੈਕੀਮਾਂ ਅਧੀਨ ਇਲਾਕੇ ਚ ਗੋਲੀ ਚੱਲਣ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਜਿਸ ਸਬੰਧੀ ਸ਼ਿਕਾਇਤਕਰਤਾ ਨੇ ਪੁਲਿਸ ਨੂੰ ਦੱਸਿਆ 4 ਵਿਅਕਤਿਆਂ ਨੇ ਅੱਗੇ ਤੋਂ ਆ ਕੇ ਉਸ ਦਾ ਰਸਤਾ ਰੋਕ ਲਿਆ ਤੇ ਅਨਿਲ ਅਤੇ ਸੰਦੀਪ ਉਰਫ਼ ਟੋਲੂ ਨੇ ਅਪਨੇ-ਅਪਨੇ ਡੱਬ ਵਿੱਚੋਂ ਪਿਸਤੌਲ ਕੱਢ ਕੇ ਉਸ ਵੱਲ ਤਾਨ ਦਿੱਤੇ ਤੇ ਹਾਲਾਤ ਨੂੰ ਅਪਨੀ ਜਾਨ ਬਚਾਉਣ ਦੀ ਖਾਤਰ ਪੂਰੇ ਜੋਰ ਨਾਲ ਭੱਜ ਕੇ ਆਪਣੀ ਜਾਨ ਬਚਾਈ। ਅਨਿਲ ਅਤੇ ਸੰਦੀਪ ਉਰਫ਼ ਟੋਲੂ ਨੇ ਅਪਨੇ-ਅਪਨੇ ਪਿਸਤੋਲਾ ਦੇ ਫਾਇਰ ਜਾਨੋ ਮਾਰ ਦੇਣ ਦੀ ਨੀਅਤ ਨਾਲ ਉਸ ਵੱਲ ਕੀਤੇ। ਇਸ ਸਬੰਧ ਵਿੱਚ ਥਾਣਾ ਗੇਟ ਹਕੀਮਾ ਪੁਲਿਸ ਵੱਲੋਂ ਮਾਮਲਾ ਦਰਜ ਕਰਕੇ ਆਰੋਪੀ ਅਨਿਲ, ਸੰਦੀਪ ਸਿੰਘ ਉਰਫ ਭੜਕੀਲਾ, ਵਿਸ਼ਾਲ ਸਿੰਘ ਉਰਫ ਕੰਡਾ ਨੂੰ ਕਾਬੂ ਕੀਤਾ ਗਿਆ।
ਆਰੋਪਿਆਂ ਤੋਂ ਵਾਰਦਾਤ ਸਮੇਂ ਵਰਤਿਆ ਇੱਕ ਪਿਸਟਲ 32 ਬੋਰ ਸਮੇਤ 02 ਰੌਂਦ ਜ਼ਿੰਦਾ ਦੋਸ਼ੀ ਸੰਦੀਪ ਸਿੰਘ ਉਰਫ ਭੜਕੀਲਾ ਪਾਸੋ ਅਤੇ ਦੂਸਰਾ ਪਿਸਟਲ 30 ਬੋਰ ਵਿਸ਼ਾਲ ਸਿੰਘ ਉਰਫ ਕੰਡਾ ਪਾਸੋ ਬ੍ਰਾਮਦ ਕੀਤਾ ਗਿਆ ਹੈ। ਵਾਰਦਾਤ ਸਮੇਂ ਵਰਤੀ ਐਕਟੀਵਾਂ ਸਕੂਟੀ ਰੰਗ ਗਰੇਅ ਦੋਸ਼ੀ ਅਨਿਲ ਕੁਮਾਰ ਪਾਸੋਂ ਬ੍ਰਾਮਦ ਕੀਤੀ ਗਈ ਹੈ। ਗ੍ਰਿਫ਼ਤਾਰ ਅਰੋਪੀਆ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ 3 ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ। ਇਹਨਾਂ ਪਾਸੋਂ ਬਾਰੀਕੀ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਇਹਨਾਂ ਦੇ ਚੋਥੇ ਸਾਥੀ ਸੰਦੀਪ ਸਿੰਘ ਉਰਫ ਟੋਲੂ ਨੂੰ ਗ੍ਰਿਫ਼ਤਾਰ ਕਰਨ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
