ਪਠਾਨਕੋਟ : ਜਿੱਥੇ ਪੂਰਾ ਦੇਸ਼ ਨਵੇਂ ਸਾਲ ਦੇ ਆਗਮਨ ਤੇ ਜਸ਼ਨ ਮਨਾ ਰਿਹਾ ਹੈ, ਓਥੇ ਹੀ ਦੂਜੇ ਪਾਸੇ ਸਾਡੇ ਭਾਰਤ ਦੇਸ਼ ਦੇ ਸਪੂਤ ਜੋਕਿ ਪਿਛਲੇ 12 ਸਾਲਾਂ ਤੋਂ ਫੌਜ ਦੀ ਆਈ.ਟੀ.ਬੀ.ਪੀ. ਵਿੱਚ ਸੇਵਾਵਾਂ ਨਿਭਾ ਰਹੇ ਸੀ, ਕਾਂਸਟੇਬਲ ਜੀਡੀ ਦਲਜੀਤ ਸਿੰਘ ਦਾ ਦੇਹਾਂਤ ਹੋ ਗਿਆ। ਦਲਜੀਤ ਸਿੰਘ ਆਪਣੇ ਪਿੱਛੇ ਰੋਂਦੇ ਵਿਲਕਦੇ ਪਰਿਵਾਰ ਅਤੇ ਨਵਜੰਮੀ ਢਾਈ ਕੂ ਮਹੀਨਿਆਂ ਦੀ ਧੀ ਨੂੰ ਅਲਵਿਦਾ ਆਖ ਗਏ।
ਇਸ ਮੌਕੇ ਤੇ ਜ਼ਿਲ੍ਹਾ ਪਠਾਨਕੋਟ ਨੇੜੇ ਪੈਂਦੇ ਪਿੰਡ ਧੋਬੜਾ ਵਿੱਚ ਸੋਗ ਦਾ ਮਾਹੌਲ ਬਣਿਆ ਹੋਇਆ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਬਟਾਲੀਅਨ ਦੇ ਇੰਸਪੈਕਟਰ ਰਵਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਪਤਾ ਲੱਗਿਆ ਸੀ ਕਿ ਮ੍ਰਿਤਕ ਦਲਜੀਤ ਸਿੰਘ ਜੋਕਿ ਛੁੱਟੀ ਤੇ ਘਰ ਆਏ ਹੋਏ ਸਨ, ਦਾ ਡੇਂਗੂ ਕਾਰਨ ਦੇਹਾਂਤ ਹੋ ਗਿਆ। ਇਸ ਮੌਕੇ ਤੇ ਬਟਾਲੀਅਨ ਵਲੋਂ ਓਹਨਾਂ ਨੂੰ ਆਖਰੀ ਸਲਾਮੀ ਵੀ ਭੇਂਟ ਕੀਤੀ ਗਈ।
