ਲੁਧਿਆਣਾ : ਸਮਰਾਲਾ ਦੇ ਪਿੰਡ ਕੋਟਲਾ ਭੜੀ ਦੇ ਆਂਗਣਵਾੜੀ ਸੈਂਟਰ ਵੱਲੋਂ ਗਰਭਵਤੀ ਮਹਿਲਾਵਾਂ ਅਤੇ 5 ਸਾਲ ਤੋਂ ਛੋਟੇ ਬੱਚਿਆਂ ਲਈ ਦਿੱਤੀ ਜਾ ਰਹੀ ਪੌਸਟਿਕ ਆਹਾਰ ਦੀ ਐਕਸਪਾਇਰੀ ਡੇਟ ਦੀ ਵੀਡੀਓ ਪਿੰਡ ਵਾਸੀਆਂ ਵੱਲੋਂ ਵਾਇਰਲ ਕਰਨ ਤੋਂ ਬਾਅਦ ਛੁੱਟੀ ਵਾਲੇ ਦਿਨ ਸੁਪਰਵਾਈਜ਼ਰ ਕਮਲਜੀਤ ਕੌਰ ਐਕਸਪਾਇਰੀ ਸਮਾਨ ਨੂੰ ਲੈਣ ਲਈ ਜਦੋਂ ਪਿੰਡ ਦੇ ਆਂਗਣਵਾੜੀ ਸੈਂਟਰ ਪਹੁੰਚੇ। ਤਾਂ ਪਿੰਡ ਵਾਸੀਆਂ ਨੇ ਉਹਨਾਂ ਨੂੰ ਰੋਕ ਕੇ ਪੌਸ਼ਟਿਕ ਆਹਾਰ ਦਾ ਐਕਸਪਾਇਰੀ ਹੋਣ ਦੇ ਪਿੱਛੇ ਕਿਸ ਦੀ ਜਿੰਮੇਵਾਰੀ ਹੈ ਬਾਰੇ ਪੁੱਛਿਆ ਤਾਂ ਡਿਊਟੀ ਤੇ ਤੈਨਾਤ ਉਰਮਲਾ ਨੇ ਕਿਹਾ ਕਿ ਇਹ ਸਾਰੀ ਗਲਤੀ ਮੇਰੀ ਹੈ ਅਤੇ ਸਾਡੇ ਵੱਲੋਂ ਹਾਲੇ ਕਿਸੇ ਨੂੰ ਵੀ ਇਸ ਸਮਾਨ ਦੀ ਸਪਲਾਈ ਨਹੀਂ ਕੀਤੀ ਗਈ ਹੈ।
ਉਥੇ ਹੀ ਜਦੋਂ ਪਿੰਡ ਵਾਸੀਆਂ ਨੂੰ ਪੁੱਛਿਆ ਗਿਆ ਤਾਂ ਉਹਨਾਂ ਨੇ ਦੱਸਿਆ ਕਿ 2 ਦਿਨ ਪਹਿਲਾਂ ਹੀ ਪਿੰਡ ਵਿੱਚ ਗਰਭਵਤੀ ਮਹਿਲਾਵਾਂ ਅਤੇ ਬੱਚਿਆਂ ਨੂੰ ਇਹ ਪੌਸਟਿਕ ਆਹਾਰ ਦਿੱਤਾ ਗਿਆ ਹੈ। ਜਿਨਾਂ ਔਰਤਾਂ ਅਤੇ ਬੱਚਿਆਂ ਨੂੰ ਇਹ ਸਮਾਨ ਦਿੱਤਾ ਗਿਆ ਸੀ। ਉਹ ਵੀ ਮੌਕੇ ਤੇ ਆਪਣਾ ਸਮਾਨ ਲੈ ਕੇ ਪਹੁੰਚੇ। ਜਿਸ ਦੀ ਤਾਰਿਕ ਨਿਕਲ ਚੁੱਕੀ ਸੀ। ਮੌਕੇ ਤੇ ਸੁਪਰਵਾਈਜ਼ਰ ਕਮਲਜੀਤ ਕੌਰ ਨੇ ਕਿਹਾ ਕਿ ਇਸ ਪੂਰੀ ਘਟਨਾ ਦੀ ਇਨਕੁਆਇਰੀ ਕੀਤੀ ਜਾਵੇਗੀ ਅਤੇ ਦੋਸ਼ੀ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।
