ਬਟਾਲਾ : ਜ਼ਿਲਾ ਬਟਾਲਾ ਤੋਂ ਇਕ ਇਕ ਲੁੱਟ-ਖੋਹ ਦੀ ਵਾਰਦਾਤ ਸਾਹਮਣੇ ਆਈ ਹੈ ਇਥੇ ਇਕ ਗੈਸ ਏਜੇਂਸੀ ਮੁਲਾਜਿਮ ਨੂੰ ਰਾਹ ਚ ਰੋਕ ਉਸ ਨਾਲ ਕੁੱਟ-ਮਾਰ ਕਰ ਬੁਰੀ ਤਰ੍ਹਾਂ ਜਖਮੀ ਕਰਕੇ ਉਸ ਕੋਲੋਂ ਮੋਟਰਸਾਈਕਲ ਅਤੇ ਏਜੇਂਸੀ ਦਾ ਕਰੀਬ ਇਕ ਲੱਖ 22 ਹਜ਼ਾਰ ਰੁਪਏ ਕੈਸ਼ ਲੁਟ ਕੇ ਫਰਾਰ ਹੋ ਗਏ। ਉਥੇ ਹੀ ਖੋਹ ਕਰਨ ਵਾਲੇ ਨੌਜਵਾਨ ਸੀਸੀਟੀਵੀ ਕੈਮਰਾ ਚ ਹੋ ਗਏ ਹਨ।
ਜਖਮੀ ਹੋਏ ਗੈਸ ਏਜੇਂਸੀ ਮੁਲਾਜਿਮ ਨੂੰ ਸਿਵਲ ਹਸਪਤਾਲ ਬਟਾਲਾ ਚ ਦਾਖਿਲ ਕਰਵਾਇਆ ਗਿਆ ਹੈ ਅਤੇ ਉਥੇ ਹੀ ਏਜੇਂਸੀ ਮਲਿਕ ਅਕਸ਼ੇ ਕੁਮਾਰ ਅਤੇ ਜਖਮੀ ਗੈਸ ਏਜੇਂਸੀ ਮੁਲਾਜਿਮ ਬਲਵਿੰਦਰ ਕੁਮਾਰ ਨੇ ਦੱਸਿਆ ਕਿ ਉਹ ਰੋਜਾਨਾ ਦੀ ਤਰ੍ਹਾਂ ਗੈਸ ਏਜੇਂਸੀ ਦਾ ਕੈਸ਼ ਲੈਕੇ ਬੈਂਕ ਚ ਜਮਾਂ ਕਰਵਾਉਣ ਜਾ ਰਿਹਾ ਸੀ, ਪਿੰਡ ਮਾੜੀਆ ਵਾਲ ਨੇੜੇ ਚਾਰ ਨਕਾਬਪੋਸ਼ ਨੌਜਵਾਨ ਖੜੇ ਸਨ ਜਿਹਨਾਂ ਉਸ ਨੂੰ ਰਾਹ ਚ ਘੇਰਾ ਪਾ ਰੋਕ ਕੇ ਮਾਰ ਕੁੱਟ ਕਰਨੀ ਸ਼ੁਰੂ ਕੀਤੀ ਅਤੇ ਮੋਟਰ ਸਾਈਕਲ ਅਤੇ ਉਸ ਕੋਲੋਂ ਜੋ ਨਕਦੀ ਕਰੀਬ ਸਵਾ ਲੱਖ ਰੁਪਏ ਸੀ ਲੈ ਫਰਾਰ ਹੋ ਗਏ। ਬਲਵਿੰਦਰ ਕੁਮਾਰ ਨੇ ਦੱਸਿਆ ਕਿ ਉਕਤ ਨੌਜਵਾਨਾਂ ਵਲੋਂ ਉਸਤੇ ਦਾਤਰ ਨਾਲ ਹਮਲਾ ਕੀਤਾ ਗਿਆ ਅਤੇ ਜਖਮੀ ਕਰ ਉਥੇ ਸੁੱਟ ਗਏ ਉਥੇ ਹੀ ਇਸ ਮਾਮਲੇ ਚ ਏਜੇਂਸੀ ਮਲਿਕ ਵਲੋਂ ਪੁਲਿਸ ਚ ਸ਼ਕਾਇਤ ਦਰਜ ਕਰਵਾਈ ਗਈ। ਜਿਸ ਸੰਬੰਧ ਚ ਬਟਾਲਾ ਪੁਲਿਸ ਡੀਐਸਪੀ ਲਲਿਤ ਕੁਮਾਰ ਨੇ ਦੱਸਿਆ ਕਿ ਉਹਨਾਂ ਵਲੋਂ ਇਸ ਮਾਮਲੇ ਚ ਕੇਸ ਦਰਜ ਕਰ ਅਗਲੀ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ |
