ਗੁਰਦਾਸਪੁਰ : ਸ਼ਹਿਰ ਦੇ ਸਿਵਲ ਹਸਪਤਾਲ ਚ ਇਕ ਮਰੀਜ਼ ਦੀ ਦੇਖਭਾਲ ਕਰ ਰਹੇ ਸਮਾਜ ਸੇਵੀ ਨੌਜਵਾਨਾਂ ਦੀ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਚ ਨੌਜਵਾਨ ਖੁਦ ਨੂੰ ਬਲੱਡ ਡੋਨਰ ਸੋਸਾਇਟੀ ਗੁਰਦਾਸਪੁਰ ਦੇ ਮੈਂਬਰ ਦੱਸ ਰਹੇ ਹਨ ਅਤੇ ਉਹ ਐਸੀਆਂ ਤਸਵੀਰਾਂ ਸਾਂਝੀਆਂ ਕਰ ਰਹੇ ਹਨ ਕਿ ਹਰ ਕਿਸੇ ਦੀ ਰੂਹ ਕੰਬ ਜਾਵੇ। ਜਿਥੇ ਇਕ ਬਿਮਾਰ ਵਿਅਕਤੀ ਜੋ ਕਾਫੀ ਦਿਨਾ ਤੋਂ ਗੁਰਦਾਸਪੁਰ ਸਿਵਲ ਹਸਪਤਾਲ ਚ ਇਲਾਜ ਲਈ ਦਾਖਿਲ ਹੈ ਅਤੇ ਉਹ ਇਲਾਜ ਪੱਖੋਂ ਸਾਂਭ ਸੰਭਾਲ ਪੱਖੋਂ ਅਤੇ ਸਾਫ ਸਫਾਈ ਪੱਖੋਂ ਬਦਤਰ ਹਾਲਤ ਚ ਹੈ।
ਇਹ ਤਸਵੀਰਾਂ ਗੁਰਦਾਸਪੁਰ ਦੇ ਸਿਵਲ ਹਸਪਤਾਲ ਦੇ ਵਾਰਡ ਦੀਆ ਅਤੇ ਇਹ ਨੌਜਵਾਨ ਜਿਥੇ ਖੁਦ ਮਰੀਜ਼ ਦੀ ਸਾਫ ਸਫਾਈ ਅਤੇ ਦੇਖਭਾਲ ਕਰਦੇ ਨਜ਼ਰ ਆਏ ਉਥੇ ਹੀ ਉਹਨਾਂ ਆਰੋਪ ਲਗਾਏ ਕਿ ਹਸਪਤਾਲ ਪ੍ਰਸ਼ਾਸ਼ਨ ਲੋੜਵੰਦਾਂ ਲਈ ਬੇਪ੍ਰਵਾਹ ਹੈ ਅਤੇ ਉਹਨਾਂ ਪੰਜਾਬ ਦੇ ਮੁਖ ਮੰਤਰੀ ਭਗਵੰਤ ਸਿੰਘ ਮਾਨ ਨੂੰ ਅਪੀਲ ਕੀਤੀ ਕਿ ਆਮ ਆਦਮੀ ਅਤੇ ਲੋੜਵੰਦਾਂ ਦੀ ਦੇਖਭਾਲ ਲਈ ਉਹ ਵਿਸ਼ੇਸ ਕਦਮ ਚੁੱਕਣ ਅਤੇ ਸਰਕਾਰੀ ਹਸਪਤਾਲਾਂ ਦੇ ਸਟਾਫ ਦੀ ਇਸ ਭੈੜੀ ਕਾਰਗੁਜ਼ਾਰੀ ਅਤੇ ਬੇਪ੍ਰਵਾਹੀ ਖਤਮ ਹੋਵੇ। ਇਸ ਲਈ ਇਕ ਵਿਸ਼ੇਸ ਚੈਕਿੰਗ ਟੀਮਾਂ ਦਾ ਗਠਨ ਕਰਨ ਤਾਂ ਜੋ ਜਿੰਮੇਵਾਰ ਅਧਕਾਰੀ ਜਾਂ ਮੁਲਾਜਿਮ ਹਨ ਉਹ ਆਪਣੀ ਡਿਊਟੀ ਸਹੀ ਢੰਗ ਨਾਲ ਨਿਭਾਉਣ |
