ਸਟੰਟ ਕਰਨ ਵਾਲੇ ਨੌਜਵਾਨਾਂ ਤੇ ਪੁਲਿਸ ਨੇ ਚਾੜ੍ਹਿਆ ਕੁਟਾਪਾ
ਸ੍ਰੀ ਅਨੰਦਪੁਰ ਸਾਹਿਬ : ਸ਼ਹਿਰ ਦੇ ਦਬੰਗ ਡੀਐਸਪੀ ਅਜੇ ਸਿੰਘ ਆਪਣੀ ਟੀਮ ਨਾਲ ਸ੍ਰੀ ਅਨੰਦਪੁਰ ਸਾਹਿਬ ਦੇ ਐਂਟਰੀ ਗੇਟ ਪਿੰਡ ਬੱਢਲ ਕੋਲ ਟਰਾਲੀਆਂ ਤੇ ਹੋਲਾਂ ਮਹੱਲਾ ਮੌਕੇ ਉੱਚੀ ਉੱਚੀ ਸਪੀਕਰ ਲਗਾ ਕੇ ਆਉਣ ਵਾਲੇ ਨੌਜਵਾਨਾਂ ਨੂੰ ਤਾੜਨਾ ਕਰਦੇ ਹੋਏ, ਉਹਨਾਂ ਨੌਜਵਾਨਾਂ ਨੂੰ ਸਮਜਾਉਂਦੇ ਹੋਏ ਹੁੱਲੜਬਾਜ਼ੀ ਨਾ ਕਰਨ ਲਈ ਵੀ ਪ੍ਰੇਰਿਤ ਕੀਤਾ।
ਜ਼ਿਕਰਯੋਗ ਹੈ ਕਿ 7 ਮਾਰਚ ਨੂੰ ਹੁਲੜਬਾਜ਼ੀ ਕਰਦੇ ਹੋਏ ਨੌਜਵਾਨਾਂ ਤੇ ਨਿਹੰਗ ਸਿੱਖ ਫੌਜਾਂ ਵੱਲੋਂ ਰੋਕਿਆ ਗਿਆ ਤਾਂ ਨੌਜਵਾਨਾਂ ਵੱਲੋਂ ਇਕ ਨੌਜਵਾਨ ਨੇ ਹਮਲਾ ਕੀਤਾ ਗਿਆ ਜਿਸ ਨਾਲ ਉਸ ਦੀ ਮੌਤ ਹੋ ਗਈ ਤੇ ਮੌਕੇ ਤੇ ਪੁਲਿਸ ਨੇ ਆਪਣੀ ਕਾਰਵਾਈ ਕਰਦੇ ਹੋਏ ਉਸ ਥਾਂ ਤੋਂ ਹੁੱਲੜਬਾਜ਼ੀ ਕਰਦੇ ਹੋਏ ਨੌਜਵਾਨਾਂ ਤੇ ਡਾਂਗ ਵੀ ਵਰਾਈ ਗਈ ਤੇ ਇਕ ਵਾਰ ਫਿਰ ਰਾਤ ਨੂੰ ਇਹਨਾਂ ਨੌਜਵਾਨਾਂ ਤੇ ਨਕੇਲ ਕੱਸਣ ਲਈ ਉਸ ਘਟਨਾ ਸਥਲ ਤੇ ਡੀਐਸਪੀ ਅਨੰਦਪੁਰ ਸਾਹਿਬ ਅਜੇ ਸਿੰਘ ਆਪਣੀ ਭਾਰੀ ਫੌਜ ਟੁਕੜੀ ਨਾਲ ਇੱਥੇ ਪੁੱਜੇ ਹੁਲੜਬਾਜ਼ੀ ਕਰਨ ਵਾਲੇ ਨੌਜਵਾਨਾਂ ਤੇ ਨਕੇਲ ਕਸੀ।
ਜ਼ਿਕਰਯੋਗ ਹੈ ਕਿ ਸ੍ਰੀ ਅਨੰਦਪੁਰ ਸਾਹਿਬ ਦੇ ਡੀਐਸਪੀ ਹਰੀ ਸਿੰਘ ਅਤੇ ਐਸ ਐਚ ਓ ਸਿਮਰਨਪ੍ਰੀਤ ਸਿੰਘ ਨੇ ਭਾਰੀ ਫੋਰਸ ਨਾਲ ਟਰੈਕਟਰਾਂ ਦੇ ਚੱਲ ਰਹੇ ਲਾਊਡ ਸਪੀਕਰਾਂ ਨੂੰ ਬੰਦ ਕਰਵਾਇਆ ਤੇ ਹੁਲੜਬਾਜ਼ੀ ਨੂੰ ਰੋਕਿਆ । ਬੁਲਟ ਦੇ ਪਟਾਖੇ ਚਲਾਨ ਵਾਲੇ ਨੌਜਵਾਨਾਂ ਨੂੰ ਮੌਕੇ ਤੇ ਕਾਬੂ ਕੀਤਾ ਗਿਆ।
