19000 ਕਿਲੋਮੀਟਰ ਦਾ ਸਫ਼ਰ 40 ਦਿਨ ‘ਚ ਕੀਤਾ ਤੈਅ
ਅੰਮ੍ਰਿਤਸਰ : ਅਟਾਰੀ ਵਾਘਾ ਸਰਹੱਦ ਤੇ ਕੈਨੇਡਾ ਤੋਂ ਇੰਡੀਆ ਰੋਡ ਟ੍ਰਿਪ ਤੇ ਨਿਕਲੇ ਜਸਮੀਤ ਸਾਹਨੀ 19000 ਕਿਲੋਮੀਟਰ ਦਾ ਸਫ਼ਰ 40 ਦਿਨ ਚ ਤੈਅ ਕਰਕੇ ਭਾਰਤ ਪੁੱਜੇ। ਇਸ ਮੌਕੇ ਉਹਨਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਜਸਮੀਤ ਸਿੰਘ ਸਾਹਨੀ ਨੇ ਦੱਸਿਆ ਕਿ ਮੈ ਬ੍ਰੈਂਪਟਨ ਸ਼ਹਿਰ ਕੈਨੇਡਾ ਦਾ ਰਿਹਣ ਵਾਲਾ ਹਾਂ। ਮੈਂ ਆਪਣੇ ਘਰ ਤੋਂ ਇਹ ਸਫ਼ਰ ਸ਼ੁਰੂ ਕੀਤਾ ਸੀ। ਇਹ ਸਫ਼ਰ 40 ਦਿਨ ਤੈਅ ਕਰਨ ਤੋਂ ਬਾਅਦ ਮੈ ਭਾਰਤ ਪੁੱਜਾ ਹਾਂ। ਪਾਕਿਸਤਾਨ ਦੇ ਰਸਤੇ ਅਟਾਰੀ ਵਾਘਾ ਤੇ ਸਰਹੱਦ ਪੁੱਜਾ ਹਾਂ। ਉਹਨਾਂ ਕਿਹਾ ਇਸ ਸਫਰ ਵਿੱਚ ਅਸੀ ਪਾਕਿਸਤਾਨ ਦੇ ਇਤਿਹਾਸਿਕ ਗੁਰਦੁਆਰਾ ਸਾਹਿਬਾਂਨ ਦੇ ਵੀ ਦਰਸ਼ਨ ਕੀਤੇ। ਭਾਰਤੀਆਂ ਨੂੰ ਕੇਵਲ ਕਰਤਾਰਪੁਰ ਸਾਹਿਬ ਦੇ ਦਰਸ਼ਣ ਕਰਨ ਦੀ ਹੀ ਇਜਾਜਤ ਹੈ।
ਉਹਨਾਂ ਨੇ ਦੱਸਿਆ ਕਿ ਭਾਰਤ ਦੇ ਵੱਖ ਵੱਖ ਸ਼ਹਿਰਾਂ ਦੀ ਯਾਤਰਾ ਤੋਂ ਬਾਅਦ ਦਿੱਲੀ ਜਾ ਕੇ ਇਸ ਸਫ਼ਰ ਦੀ ਸਮਾਪਤੀ ਹੋਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਬਹੁਤ ਲੋਕ ਘਬਰਾਉਂਦੇ ਸਨ, ਇਸ ਕੰਮ ਨੂੰ ਕਰਨ ਦੇ ਲਈ। ਜੇਕਰ ਮੇਰੇ ਵਰਗਾ ਕਰ ਸੱਕਦਾ ਹੈ ਤੇ ਕੋਈ ਵੀ ਕਰ ਸਕਦਾ ਹੈ। ਸਾਡਾ ਇਹ ਸਫਰ ਕਰਨ ਦਾ ਇੱਕੋ ਹੀ ਮਕਸਦ ਹੈ ਕਿ ਸਾਰੇ ਲੋਕ ਮਿਲ ਜੁਲ ਕੇ ਰਹਿਣ ਤੇ ਪ੍ਰੇਮ ਪਿਆਰ ਨਾਲ ਰਹਿਣ। ਇਸ ਮੌਕੇ ਜਸਮੀਤ ਸਿੰਘ ਸਾਹਨੀ ਦੇ ਪਰਿਵਾਰਿਕ ਮੈਂਬਰਾਂ ਨੇ ਕਿਹਾ ਕਿ ਅਸੀਂ ਅਟਾਰੀ ਵਾਘਾ ਸਰਹੱਦ ਤੇ ਜਸਮੀਤ ਦਾ ਸਵਾਗਤ ਕਰਨ ਤੇ ਹੌਂਸਲਾ ਵਜਾਈ ਕਰ ਲਈ ਪੁੱਜੇ ਹਾਂ ਜਿਸ ਵੱਲੋਂ ਇਨੀ ਲੰਬੀ ਯਾਤਰਾ ਤੈ ਕਰਕੇ ਭਾਰਤ ਪੁੱਜਾ ਹੈ।
