ਕਿਹਾ : ਕੰਢੀ ਦੇ ਹਰ ਮੁਹੱਲੇ ਦੇ ਲੋਕ ਅਵਾਰਾ ਪਸ਼ੂਆਂ ਦੀ ਗੰਦਗੀ ਤੋਂ ਹਨ ਪਰੇਸ਼ਾਨ
ਤਲਵਾੜਾ/ ਸੌਨੂੰ ਥਾਪਰ : ਕੰਢੀ ਖੇਤਰ ਵਿੱਚ ਅਵਾਰਾ ਪਸ਼ੂਆਂ ਤੋਂ ਜਿੱਥੇ ਕਿਸਾਨ ਪਰੇਸ਼ਾਨ ਹਨ। ਉੱਥੇ ਹੀ ਕੰਢੀ ਦੇ ਹਰ ਪਿੰਡ ਦੇ ਮੁਹੱਲੇ ਦੇ ਲੋਕਾਂ ਨੂੰ ਵੀ ਇਨ੍ਹਾਂ ਵਲੋਂ ਜਗ੍ਹਾ ਜਗ੍ਹਾ ਫੈਲਾਇਆ ਜਾ ਰਿਹਾ ਮਲ ਮੂਤਰ ਸਾਫ ਕਰਨ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ।ਇਹਨਾਂ ਗੱਲਾਂ ਦਾ ਪ੍ਰਗਟਾਵਾ ਪਿੰਡ ਰੇਪੁਰ ਦੇ ਸਰਪੰਚ ਪਵਨ ਕੁਮਾਰ ਪੰਮੀ ਨੇ ਅਵਾਰਾ ਪਸ਼ੂਆਂ ਵਲੋਂ ਫੈਲਾਈ ਗਈ ਪਿੰਡ ਵਿੱਚ ਗੰਦਗੀ ਦੇ ਸਫਾਈ ਅਭਿਆਨ ਦੌਰਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਮੋਜੂਦਾ ਵਿਧਾਇਕ ਅਵਾਰਾ ਪਸ਼ੂਆਂ ਦਾ ਮੁੱਦਾ ਚੋਣਾ ਤੋਂ ਪਹਿਲਾਂ ਵੱਡੇ ਪਧਰ ਤੇ ਚੁੱਕਦੇ ਸਨ। ਪਰ ਹੁਣ ਉਨ੍ਹਾਂ ਨੂੰ ਅਵਾਰਾ ਪਸ਼ੂਆਂ ਦੇ ਮੁੱਦੇ ਤੇ ਐਕਸ਼ਨ ਲੈਣ ਦੀ ਲੋੜ ਹੈ।
ਪੰਮੀ ਨੇ ਦਸਿਆ ਕਿ ਕੰਢੀ ਖੇਤਰ ਦੇ ਲੋਕ ਬਹੁਤ ਸਮੇਂ ਤੋਂ ਅਵਾਰਾ ਪਸ਼ੂਆਂ ਕਾਰਣ ਆਪਣੇ ਖੇਤਾਂ ਵਿੱਚ ਫਸਲਾਂ ਦੀ ਰਾਖੀ ਕਰਨ ਲਈ ਕੜਾਕੇ ਦੀ ਠੰਡ ਵਿੱਚ ਰਾਤ ਨੂੰ ਸੌਣ ਲਈ ਮਜ਼ਬੂਰ ਹਨ। ਅਤੇ ਆਪਣੇ ਗਲੀ ਮੁਹੱਲੇ ਨੂੰ ਅਵਾਰਾ ਪਸ਼ੂਆਂ ਵਲੋਂ ਫੈਲਾਈ ਜਾ ਰਹੀ ਗੰਦਗੀ ਨੂੰ ਵੀ ਸਾਫ਼ ਕਰਨ ਲਈ ਮਜਬੂਰ ਹਨ। ਉਨ੍ਹਾਂ ਨੇ ਸੂਬਾ ਸਰਕਾਰ ਤੋਂ ਮੰਗ ਕਰਦੇ ਹੋਏ ਕਿਹਾ ਕਿ ਜੇਕਰ ਪੰਜਾਬ ਸਰਕਾਰ ਚਾਹਵੇ ਤਾਂ ਹਰ ਪਿੰਡ ਵਿੱਚ ਪੰਚਾਇਤ ਦੀ ਜਗ੍ਹਾ ਤੇ ਗਊਸ਼ਾਲਾਵਾਂ ਖੋਲਕੇ ਉਪਰੋਕਤ ਸਮੱਸਿਆ ਦਾ ਸਥਾਈ ਹਲ ਕੀਤਾ ਜਾ ਸਕਦਾ ਹੈ। ਜਿਸ ਦੇ ਲਈ ਪਿੰਡ ਰੇਪੁਰ ਦੀ ਪੰਚਾਇਤ ਤਿਆਰ ਹੈ।ਇਸ ਮੋਕੇ ਉਨ੍ਹਾਂ ਨਾਲ ਸੁਖਵਿੰਦਰ ਕਾਕਾ, ਜਤਿੰਦਰ ਜਿੰਦੂ, ਸੁਖਵੰਤ ਸਿੰਘ, ਰਾਜੀਵ ਛੋਟੂ, ਬਿਪਨ ਫੌਜੀ, ਅਭੀ,ਵਰੁਣ, ਅਕਸ਼ੇ, ਦਿਨੇਸ਼ , ਰੀਤ, ਚੇਤਨ ਆਦੀ ਨੌਜਵਾਨਾਂ ਨੇ ਪਿੰਡ ਵਿੱਚ ਅਵਾਰਾ ਪਸ਼ੂਆਂ ਵਲੋਂ ਫੈਲਾਈ ਗਈ ਗੰਦਗੀ ਦੀ ਸਫਾਈ ਕੀਤੀ।
