ਗੁਰਦਾਸਪੁਰ : ਨਸ਼ੇ ਦੇ ਮੁੱਦੇ ਨੂੰ ਲੈਕੇ ਸਰਕਾਰਾਂ ਸਮੇਤ ਹਰ ਕੋਈ ਚਿੰਤਤ ਹੈ ਅਤੇ ਲੋਕ ਹੁਣ ਇਸ ਨਸ਼ੇ ਦੇ ਖਿਲਾਫ ਡੱਟ ਕੇ ਖੜੇ ਵੀ ਹੋਣ ਲੱਗ ਪਏ ਹਨ। ਇਸਦੀ ਮਿਸ਼ਾਲ ਦੇਖਣ ਨੂੰ ਉਸ ਵੇਲੇ ਮਿਲੀ ਜਦੋ ਪੁਲਿਸ ਅਧੀਨ ਪੈਂਦੇ ਪਿੰਡ ਚੰਦੂਮੰਝ ਦੇ ਲੋਕਾਂ ਅਤੇ ਪੰਚਾਇਤ ਨੇ ਗੁਰਦਵਾਰਾ ਸਾਹਿਬ ਇਕੱਠੇ ਹੋ ਕੇ ਨਸ਼ੇ ਵਿਰੁੱਧ ਲਿਖਤੀ ਮਤਾ ਪਾਸ ਕੀਤਾ। ਇਹ ਮਤਾ ਪਿੰਡ ਵਾਸੀਆਂ ਵਲੋਂ ਕਿਉ ਪਾਸ ਕੀਤਾ ਗਿਆ। ਊਸ ਪਿੱਛੇ ਕਾਰਨ ਹੈ ਕੇ ਪਿੰਡ ਚੰਦੁਮੰਝ ਵਿੱਚ ਬੀਤੇ ਦਿਨੀ ਇਕ ਘਟਨਾ ਵਾਪਰ ਦੀ ਹੈ, ਜਿਸ ਵਿੱਚ ਪਿੰਡ ਦੇ ਹੀ ਰਹਿਣ ਵਾਲੇ ਕਰਮਬੀਰ ਸਿੰਘ ਦੇ ਘਰ ਕੁਝ ਨੋਜਵਾਨ ਆਉਂਦੇ ਹਨ ਅਤੇ ਘਰ ਦੀ ਪੁਰੀ ਤਰਾਂ ਨਾਲ ਭੰਨ ਤੋੜ ਕਰਦੇ ਹੋਏ ਕਰਮਬੀਰ ਸਿੰਘ ਨੂੰ ਅਤੇ ਉਸਦੇ ਮਾਮੇ ਨੂੰ ਗੰਭੀਰ ਜ਼ਖਮੀ ਕਰ ਦਿੰਦੇ ਹਨ। ਜਿਹਨਾ ਨੂੰ ਇਲਾਜ ਲਈ ਅਮ੍ਰਿਤਸਰ ਰੈਫਰ ਕੀਤਾ ਗਿਆ ਸੀ। ਜਿਸ ਤੋਂ ਬਾਅਦ ਹਮਲਾਵਰਾਂ ਦੇ ਖਿਲਾਫ ਪੂਰਾ ਪਿੰਡ ਗੁਰੂ ਘਰ ਇਕੱਠਾ ਹੋਇਆ ਤੇ ਮਤਾ ਪਾਸ ਕੀਤਾ ਗਿਆ ਤੇ ਇਹ ਮਤਾ ਪੁਲੀਸ ਅਧਿਕਾਰੀਆਂ ਨੂੰ ਵੀ ਦਿੱਤਾ ਗਿਆ। ਇੰਸ ਮਤੇ ਵਿਚ ਜੋ ਲਿਖਿਆ ਗਿਆ ਉਸ ਬਾਰੇ ਪਿੰਡ ਵਾਸੀਆਂ ਕਿਹਾ ਕੇ ਸਾਡੇ ਪਿੰਡ ਵਿਚ ਨਸ਼ਾ ਬਹੁਤ ਜਿਆਦਾ ਵਿਕਦਾ ਹੈ।
ਛੋਟੇ-ਛੋਟੇ ਬੱਚੇ ਨਸ਼ਾ ਕਰਦੇ ਅਤੇ ਵੇਚਦੇ ਹਨ ਤੇ ਜਦੋਂ ਨਸ਼ਾ ਵੇਚਣ ਵਾਲਿਆਂ ਖਿਲਾਫ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਜਾਂਦੀ ਹੈ। ਪੁਲਿਸ ਕੋਈ ਕਾਰਵਾਈ ਨਹੀਂ ਕਰਦੀ ਤੇ ਉਲਟਾ ਨਸ਼ਾ ਵੇਚਣ ਵਾਲੇ ਦੁਸ਼ਮਣ ਬਣ ਜਾਂਦੇ ਹਨ ਤੇ ਸ਼ਿਕਾਇਤ ਕਰਨ ਵਾਲੇ ਤੇ ਹਮਲਾ ਕਰ ਦਿੰਦੇ ਹਨ ਇਸੇ ਤਰਾਂ ਹੀ ਪਿੰਡ ਦੇ ਕਰਮਬੀਰ ਸਿੰਘ ਨਾਲ ਹੋਇਆ । ਉਹਨਾਂ ਕਿਹਾ ਕਿ ਇਸ ਮਤੇ ਰਾਹੀਂ ਲਿਖਿਆ ਗਿਆ ਹੈ ਕੇ ਹੁਣ ਜੇਕਰ ਪਿੰਡ ਵਿੱਚ ਕਿਸੇ ਨੇ ਨਸ਼ਾ ਵੇਚਿਆ ਜਾ ਖਰੀਦਿਆ ਤੇ ਉਹ ਆਪਣਾ ਜਿੰਮੇਵਾਰ ਖੁਦ ਹੋਵੇਗਾ। ਅਸੀਂ ਹੁਣ ਪਿੰਡ ਵਿੱਚ ਨਸ਼ਾ ਨਹੀਂ ਵਿਕਣ ਦੇਣਾ ਅਤੇ ਨਸ਼ਾ ਵੇਚਣ ਅਤੇ ਖਰੀਦਣ ਵਾਲੇ ਦਾ ਕਲ ਨੂੰ ਕੋਈ ਨੁਕਸਾਨ ਹੁੰਦਾ ਹੈ ਤਾਂ ਉਸਦੀ ਜਿੰਮੇਦਾਰ ਪੁਲਿਸ ਹੋਵੇਗੀ । ਡੀਐਸਪੀ ਸਵਰਨਜੀਤ ਸਿੰਘ ਦਾ ਕਹਣਾ ਸੀ ਕੇ ਜਾਂਚ ਕਰ ਰਹੇ ਹਾਂ ਜੋ ਇਸ ਹਮਲੇ ਚ ਜਖਮੀ ਹੋਏ ਹਨ, ਉਹ ਫਿਲਹਾਲ ਬਿਆਨ ਦੇਣ ਦੇ ਹਾਲਾਤ ਵਿੱਚ ਨਹੀਂ ਹਨ, ਜਲਦ ਉਹਨਾਂ ਦੇ ਬਿਆਨ ਦਰਜ ਕਰਦੇ ਹੋਏ ਬਣਦੀ ਕਾਨੂੰਨੀ ਕਾਰਵਾਈ ਅਨੁਸਾਰ ਕੇਸ ਦਰਜ ਕਰਕੇ ਅਰੋਪੀਆ ਨੂੰ ਗਿਰਫ਼ਤਾਰ ਕਰਾਂਗੇ।
