ਅੰਮ੍ਰਿਤਸਰ : ਸ਼ਹਿਰ ਵਿੱਚ ਲਗਾਤਾਰ ਹੀ ਕ੍ਰਾਈਮ ਦੀਆਂ ਵਾਰਦਾਤਾਂ ਵੱਧਦੀਆਂ ਜਾ ਰਹੀਆਂ ਹਨ, ਤੇ ਕ੍ਰਾਈਮ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲੇ ਲੁਟੇਰਿਆਂ ਦੇ ਮਨ ‘ਚ ਵੀ ਪੁਲਿਸ ਦਾ ਡਰਖੋਫ ਨਜ਼ਰ ਨਹੀਂ ਆ ਰਿਹਾ। ਪਿਛਲੇ ਦਿਨ ਹੀ ਪੁਲਿਸ ਨੂੰ ਕਿਸੇ ਵਿਅਕਤੀ ਵੱਲੋਂ ਦਰਖਾਸਤ ਦਿੱਤੀ ਗਈ ਕਿ ਮਜੀਠਾ ਰੋਡ, ਬਾਈਪਾਸ ਦੇ ਮਜੀਠਾ ਵਾਲੀ ਸਾਈਤ ਤੇ 1 ਅਣ-ਪਛਾਤੇ ਮੋਟਰ ਸਾਈਕਲ ਤੇ ਸਵਾਰ ਲੜਕੇ ਨੇ ਅਣਪਛਾਤੀ ਕਾਰ ਨੂੰ ਵੇਖ ਕੇ ਹਵਾਈ ਫਾਇਰ ਕਰਕੇ ਦਹਿਸ਼ਤ ਦਾ ਮਾਹੋਲ ਪੈਦਾ ਕੀਤਾ ਹੈ। ਜਿਸ ਨਾਲ ਇਲਾਕਾ ਨਿਵਾਸਿਆਂ ਅਤੇ ਆਮ ਨਾਗਰਿਕਾਂ ਵਿੱਚ ਦਹਿਸ਼ਤ ਦਾ ਮਾਹੋਲ ਪੈਦਾ ਹੋਇਆ ਹੈ। ਜਿਸਤੇ ਥਾਣਾ ਸਦਰ, ਅੰਮ੍ਰਿਤਸਰ ਵੱਲੋਂ ਮੁਕੱਦਮਾਂ ਦਰਜ਼ ਰਜਿਸਟਰ ਕਰਕੇ ਤਫ਼ਤੀਸ਼ ਅਮਲ ਵਿੱਚ ਲਿਆਂਦੀ ਗਈ। ਥਾਣਾ ਸਦਰ ਦੀ ਪੁਲਿਸ ਵੱਲੋਂ ਮੁਕੱਦਮਾਂ ਦੀ ਤਫ਼ਤੀਸ਼ ਹਰ ਐਗਲ ਤੋਂ ਕਰਨ ਤੇ ਮੁਕੱਦਮਾਂ ਵਿੱਚ ਨਾਮਾਲੂਮ ਵਿਅਕਤੀ ਜਿੰਨਾਂ ਨੇ ਹਵਾਈ ਫਾਇਰ ਕਰਕੇ ਦਹਿਸ਼ਤ ਦਾ ਮਾਹੋਲ ਪੈਂਦਾ ਕਰਨ ਵਾਲੇ ਆਰੋਪੀ ਰਾਮ ਲਾਲ ਉਰਫ਼ ਰਾਹੁਲ ਅਤੇ ਬਲਦੇਵ ਸਿੰਘ ਉਰਫ ਗੋਰਾ ਨੂੰ ਕਾਬੂ ਕਰਕੇ ਇਹਨਾ ਪਾਸੋਂ 1 ਪਿਸਟਲ ਸਮੇਤ 4 ਜਿੰਦਾਂ ਰੌਂਦ ਅਤੇ ਐਕਟੀਵਾ ਸਕੂਟੀ ਬ੍ਰਾਮਦ ਕੀਤੀ ਹੈ।
ਗ੍ਰਿਫਤਾਰ ਆਰੋਪੀ ਰਾਮ ਲਾਲ ਨੇ ਨਸ਼ੇ ਦੀ ਹਾਲਤ ਵਿੱਚ ਦਹਿਸ਼ਤ ਦਾ ਮਾਹੋਲ ਪੈਦਾ ਕਰਨ ਲਈ ਹਵਾਈ ਫਾਇਰ ਕੀਤਾ ਸੀ। ਪੁਲਿਸ ਨੇ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਗਏ ਰਾਮ ਲਾਲ ਉਰਫ ਰਾਹੁਲ ਰਾਹੁਲ ਦੇ ਉੱਪਰ ਪਹਿਲਾਂ ਵੀ ਅੰਮ੍ਰਿਤਸਰ ਦੇ ਸ਼ਹਿਰ ਦੇ ਵੱਖ ਵੱਖ ਥਾਣਿਆ ਵਿੱਚ ਲੁੱਟ ਖੋਹ ਅਤੇ ਐਨਡੀਪੀਐਸ ਐਕਟ ਅਧੀਨ 3 ਮੁਕੱਦਮੇਂ ਦਰਜ਼ ਰਜਿਸਟਰ ਹਨ। ਇਸਤੋਂ ਇਲਾਵਾ ਇਸਨੇ ਕੁਝ ਦਿਨ ਪਹਿਲਾਂ ਹਾਲ ਗੇਟ ਤੋਂ ਰੇਲਵੇ ਸਟੇਸ਼ਨ ਵੱਲ ਜਾਂਦੇ ਪੁੱਲ ਤੋਂ ਈ-ਰਿਕਸ਼ਾਂ ਪਰ ਜਾਂਦੀ ਔਰਤ ਪਾਸੋਂ ਪਰਸ ਖੋਹ ਕੀਤਾ ਸੀ। ਪਰਸ ਵਿੱਚ10 ਹਜ਼ਾਰ ਰੁਪਏ ਅਤੇ 1 ਮੋਬਾਇਲ ਫੋਨ ਸੀ। ਕੱਟੜਾ ਸ਼ੇਰ ਸਿੰਘ ਇਲਾਕੇ ਵਿੱਖੇ ਦਵਾਇਆ ਦੀ ਮਾਰਿਕਟ ਵਿੱਚ ਇੱਕ ਦੁਕਾਨ 4 ਲੱਖ 10 ਹਜ਼ਾਰ ਰੁਪਏ ਪਿਸਟਲ ਦੀ ਨੋਕ ਕੇ ਖੋਹ ਕੀਤੇ ਸਨ। ਇਸਤੋਂ ਇਲਾਵਾ ਜਿਲ੍ਹਾ ਅੰਮ੍ਰਿਤਸਰ ਦਿਹਾਤੀ, ਜਿਲ੍ਹਾ ਲੁਧਿਆਣਾ, ਮੰਡੀ ਗੋਬਿੰਦਰਗੜ੍ਹ, ਜਲੰਧਰ ਵਿੱਖੇ ਲੜਾਈ ਝਗੜੇ ਅਤੇ ਲੁੱਟਾ ਖੋਹਾ ਦੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦੇ ਚੁੱਕਿਆ ਹੈ। ਗ੍ਰਿਫ਼ਦਾਰ ਆਰੋਪੀ ਬਲਦੇਵ ਸਿੰਘ ਉਰਫ਼ ਗੋਰਾ ਖਿਲਾਫ਼ ਪਹਿਲਾਂ ਵੀ ਵੱਖਵੱਖ ਥਾਣਿਆਂ ਵਿੱਚ ਲੜਾਈ-ਝਗੜੇ, ਚੌਰੀ ਅਤੇ ਐਨਡੀਪੀਐਸ ਐਕਟ ਅਧੀਨ 03 ਮੁਕੱਦਮੇਂ ਦਰਜ਼ ਹਨ।
