ਪੁਲਿਸ ਨੇ ਕਾਨੂੰਨੀ ਕਾਰਵਾਈ ਕਰਦੇ ਹੋਏ ਸ਼ੁਰੂ ਕੀਤੀ ਅਗਲੀ ਤਫਤੀਸ਼
ਬਟਾਲਾ : ਮਾਮਲਾ ਬਟਾਲਾ ਦੇ ਨਜਦੀਕੀ ਪਿੰਡ ਮਸਤਕੋਟ ਦਾ ਹੈ ਜਿੱਥੇ ਤਿੰਨ ਦਿਨ ਪਹਿਲਾਂ ਰਬਿਕਾ ਮਸੀਹ ਨਾਮ ਦੀ ਵਿਆਹੁਤਾ ਲੜਕੀ ਜੋ ਕੇ ਆਪਣੇ ਪੇਕੇ ਪਰਿਵਾਰ ਕੋਲ ਰਹਿ ਰਹੀ ਸੀ ਦੀ ਮੌਤ ਹੋ ਜਾਂਦੀ ਹੈ ਅਤੇ ਉਸਦੀ ਸੋਤੇਲੀ ਮਾਂ ਅਤੇ ਬਾਪ ਉਸਦੀ ਮ੍ਰਿਤਕ ਦੇਹ ਨੂੰ ਅੰਤਿਮ ਰਸਮਾਂ ਕਰਦੇ ਹੋਏ ਦਫਨਾ ਦਿੰਦੇ ਹਨ ਪਰ ਮ੍ਰਿਤਕਾ ਦੇ ਤਾਏ ਪਰਿਵਾਰ ਵਲੋ ਸ਼ੱਕ ਜਤਾਇਆ ਜਾਂਦਾ ਹੈ ਕੇ ਰਬਿਕਾ ਮਸੀਹ ਜਿਸਦਾ ਵਿਆਹ ਕੁਝ ਸਾਲ ਪਹਿਲਾਂ ਕਲਾਨੌਰ ਵਿਖੇ ਕੀਤਾ ਜਾਂਦਾ ਹੈ ਅਤੇ ਪਤੀ ਦੇ ਨਾਲ ਅਣ ਬਣ ਹੋਣ ਕਾਰਨ ਰਬਿਕਾ ਆਪਣੇ ਪਿਤਾ ਦੇ ਘਰ ਰਹਿਣ ਮਸਟਕੋਟ ਆ ਜਾਂਦੀ ਹੈ।
ਉਸਦੀ ਸੌਤੇਲੀ ਮਾਂ ਅਤੇ ਭਰਾ ਉਸਦੇ ਨਾਲ ਲੜਦੇ ਝਗੜਦੇ ਰਹਿੰਦੇ ਹਨ ਅਤੇ 21 ਤਾਰੀਕ ਨੂੰ ਜਦੋਂ ਰਬਿਕਾ ਦਾ ਪਿਤਾ ਘਰ ਨਹੀਂ ਸੀ ਤਦ ਅਚਾਨਕ ਰਬਿਕਾ ਦੀ ਮੌਤ ਹੋ ਜਾਂਦੀ ਹੈ ਅਤੇ ਉਸਨੂੰ ਦਫਨਾ ਦਿੱਤਾ ਜਾਂਦਾ ਹੈ ਜਦਕਿ ਰਬਿਕਾ ਦੇ ਮ੍ਰਿਤਕ ਦੇਹ ਉਤੇ ਸੱਟਾਂ ਦੇ ਨਿਸ਼ਾਨ ਵੀ ਦੇਖੇ ਜਾਂਦੇ ਹਨ ਤਦੇ ਹੀ ਦਫਨਾ ਤੋਂ ਬਾਅਦ ਤਾਏ ਪਰਿਵਾਰ ਵਲੋਂ ਰਬਿਕਾ ਦੇ ਕਤਲ ਦਾ ਸ਼ੱਕ ਜਤਾਇਆ ਜਾਂਦਾ ਹੈ। ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਜਾਂਦੀ ਹੈ ਜਿਸ ਤੋਂ ਬਾਅਦ ਅੱਜ 23 ਮਾਰਚ ਨੂੰ ਪੁਲਿਸ ਅਤੇ ਤਹਿਸੀਲਦਾਰ ਦੀ ਨਿਗਰਾਨੀ ਹੇਠ ਮ੍ਰਿਤਕਾ ਦੀ ਦੇਹ ਨੂੰ ਕਬਰ ਵਿਚੋਂ ਬਾਹਰ ਕੱਢ ਕੇ ਪੋਸਟਮਾਰਟਮ ਲਈ ਭੇਜਿਆ ਜਾਂਦਾ ਹੈ ਪੁਲਿਸ ਵਲੋਂ ਕੇਸ ਦਰਜ ਕਰਦੇ ਹੋਏ ਕਿਹਾ ਜਾ ਰਿਹਾ ਹੈ ਕੇ ਅਗਲੀ ਕਾਨੂੰਨੀ ਕਾਰਵਾਈ ਪੋਸਟਮਾਰਟਮ ਦੀ ਰਿਪੋਰਟ ਆਉਣ ਬਾਅਦ ਕੀਤੀ ਜਾਵੇਗੀ ।
