ਕੋਟਕਪੁਰਾ: ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਪੰਜਾਬ ਆ ਰਹੇ ਹਨ। ਉਹਨਾਂ ਦੇ ਇਸ ਦੌਰੇ ਤੋਂ ਪਹਿਲਾਂ ਸਪੀਕਰ ਕੁਲਤਾਰ ਸੰਧਵਾਂ ਨੇ ਉਹਨਾਂ ਤੇ ਨਿਸ਼ਾਨਾ ਸਾਥਿਆ ਹੈ। ਉਹਨਾਂ ਨੇ ਕਿਹਾ ਕਿ ਪੰਜਾਬ ਦੌਰੇ ਤੇ ਆ ਰਹੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਆਰ ਡੀ ਐਫ ਦਾ 5600 ਕਰੋੜ ਵੀ ਦੇ ਕੇ ਜਾਣ। ਦੱਸ ਦਇਏ ਅੱਜ ਲੋਕ ਮਿਲਣੀ ਤਹਿਤ ਕੋਟਕਪੂਰਾ ਦੇ ਵਿਕਾਸ ਕਾਰਜਾਂ ਲਈ ਸਪੀਕਰ ਕੁਲਤਾਰ ਸੰਧਵਾਂ ਪਹੁੰਚੇ। ਇਸ ਦੌਾਰਨ ਸਪੀਕਰ ਕੁਲਤਾਰ ਸੰਧਵਾਂ ਨੇ ਕੋਟਕਪੂਰਾ ਦੇ ਦਵਾਰੇਆਣਾ ਅਤੇ ਜੈਲਾਲੇਆਣਾ ਰੋਡ ਦੀ ਵਾਟਰ ਪਾਈਪ ਲਈ 62 ਲੱਖ ਦਾ ਫੰਡ ਜਾਰੀ ਕੀਤਾ ਅਤੇ ਕਿਹਾ ਅਮਿਤ ਸ਼ਾਹ ਪੰਜਾਬ ਆ ਰਹੇ ਹਨ ਪੰਜਾਬ ਦਾ ਰੁਕਿਆ ਆਰ ਡੀ ਐਫ ਦਾ 5600 ਕਰੋੜ ਵੀ ਦੇ ਕੇ ਜਾਣ।
ਉਹਨਾਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਪੰਜਾਬ ਨਾਲ ਧੱਕਾ ਕਰ ਰਹੀ ਹੈ। ਅਮਰਿੰਦਰ ਸਿੰਘ ਨੇ ਦੱਸਿਆ ਸਪੀਕਰ ਸੰਧਵਾਂ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਹਾਉਸ ਦੀ ਮੀਟਿੰਗ ਵਿੱਚ ਕੋਟਕਪੂਰਾ ਦੇ ਵਿਕਾਸ ਕਾਰਜਾਂ ਲਈ ਚਰਚਾ ਸੀ। ਇਸ ਦੌਰਾਨ ਕੋਟਕਪੂਰਾ ਦੇ ਵੱਖ-ਵੱਖ ਹਿਸਿਆਂ ਵਿਚ ਵਾਟਰ ਪਇਪ ਪੈਣੀ ਹੈ। ਉਸ ਲਈ ਫੰਡ ਜਾਰੀ ਹੋ ਚੁੱਕਿਆ ਹੈ ਅਤੇ ਟੋਟਲ ਇਕ ਕਰੋੜ 97 ਲੱਖ ਵਾਟਰ ਸਪਲਾਈ ਤੇ ਸੀਵਰੇਜ ਬੋਰਡ ਨੂੰ ਦੇ ਰਹੇ ਹਾਂ ਜਿਥੇ ਵੀ ਵਾਟਰ ਪਇਪ ਪੈਣ ਵਾਲੀ ਹੈ ਓਥੇ ਪਾ ਦਿਤੀ ਜਾਵੇਗੀ।
