ਬਟਾਲਾ: ਨਸ਼ੇ ਨੇ ਬੁਹਤ ਸਾਰੇ ਮਾਵਾਂ ਦੇ ਲਾਲ ਅਤੇ ਭੈਣਾਂ ਦੇ ਭਰਾ ਖਾ ਲਏ ਹਨ। ਸਰਕਾਰਾਂ ਵਲੋਂ ਵੀ ਹਰ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਕਿ ਇਸ ਨਸ਼ੇ ਦੇ ਕੋਹੜ ਨੂੰ ਕਿਸੇ ਤਰੀਕੇ ਨਾਲ ਖ਼ਤਮ ਕੀਤਾ ਜਾਵੇ। ਪਰ ਜੇਕਰ ਹੇਠਲੇ ਲੈਵਲ ਦੇ ਅਧਿਕਾਰੀ ਆਪਣੀ ਡਿਊਟੀ ਇਕ ਚੰਗੇ ਤਰੀਕੇ ਨਾਲ ਕਰਨ ਤਾਂ ਬੁਹਤਾਂ ਸਮਾਂ ਨਹੀਂ ਲੱਗੇਗਾ ਪੰਜਾਬ ਨੂੰ ਫਿਰ ਤੋਂ ਸੋਨੇ ਦੀ ਚਿੜੀ ਬਣਾਉਂਦਿਆਂ। ਜੇਕਰ ਪੁਲਿਸ ਪ੍ਰਸਾਸ਼ਨ ਦੀ ਗੱਲ ਕਰੀਏ ਤਾਂ ਉਹਨਾਂ ਵਲੋਂ ਵੀ ਨਸ਼ੇ ਦੀ ਰੋਕਥਾਮ ਲਈ ਸੈਮੀਨਾਰ ਲਾਏ ਜਾਂਦੇ ਹਨ ਜਾਂ ਫਿਰ ਵਟ੍ਸ ਅਪ ਨੰਬਰ ਜਾਰੀ ਕੀਤੇ ਜਾਂਦੇ ਹਨ। ਇਸ ਦੋਰਾਨ ਕਿਹਾ ਜਾਂਦਾ ਹੈ ਕਿ ਨਸ਼ਾ ਵੇਚਣ ਵਾਲੇ ਦੀ ਸ਼ਿਕਾਇਤ ਦਰਜ ਕਰਵਾਓ ਤੁਹਾਡਾ ਨਾਮ ਗੁਪਤ ਰੱਖਿਆ ਜਾਵੇਗਾ ਬਦਲੇ ਵਿੱਚ ਤਹਾਨੂੰ ਇਨਾਮ ਵੀ ਦਿੱਤਾ ਜਾਵੇਗਾ। ਉਹ ਇਨਾਮ ਹਾਸਿਲ ਕੀਤਾ ਬਟਾਲਾ ਦੇ ਗਾਂਧੀ ਨਗਰ ਕੈੰਪ ਦੇ ਰਹਿਣ ਵਾਲੇ ਬਿਨ ਮਾਂ ਬਾਪ ਦੇ ਬੱਚੇ ਮੋਨੂੰ ਨੇ। ਦਰਅਸਲ, ਇਲਾਕੇ ‘ਚ 4 ਤੋਂ 5 ਸਾਲ ਤੋਂ ਨਸ਼ੇ ਦੇ ਸੌਦਾਗਰ ਨਸ਼ਾ ਵੇਚਦੇ ਆ ਰਹੇ ਸੀ ਅਤੇ ਬਦਲੇ ਵਿਚ ਨਸ਼ਾ ਅਤੇ ਖਾਨ ਲਈ ਰੋਟੀ ਮਿਲਦੀ ਸੀ।
ਪਰ ਹੁਣ ਉਹ ਥੱਕ ਚੁੱਕਾ ਸੀ ਅਤੇ ਇਸ ਦਲਦਲ ਵਿੱਚੋ ਬਾਹਰ ਨਿਕਲਣਾ ਚਾਹੁੰਦਾ ਸੀ। ਪਰ ਉਹ ਸੌਦਾਗਰ ਉਸਨੂੰ ਨਸ਼ੇ ਦੇ ਧੰਦੇ ਵਿਚੋਂ ਬਾਹਰ ਨਹੀਂ ਸੀ ਨਿਕਲਣ ਦਿੰਦੇ। ਜਿਸ ਕਰਕੇ ਉਹਨਾਂ ਨੇ ਮੋਨੂੰ ਉੱਤੇ ਹਮਲਾ ਕੀਤਾ ਅਤੇ ਉਸ ਨਾਲ ਮਾਰਕੁਟਾਈ ਕਰਕੇ ਉਸਨੂੰ ਅੱਧਮਰਾ ਕਰਕੇ ਸੁੱਟ ਦਿੱਤਾ। ਜਿਸ ਤੋਂ ਬਾਅਦ ਮੋਨੂੰ 10 ਗ੍ਰਾਮ ਨਸ਼ਾ ਲੈਕੇ ਪੁਲਿਸ ਕੋਲ ਜਾਂਦਾ ਅਤੇ ਪੁਲਿਸ ਨੂੰ ਉਹਨਾਂ ਸੌਦਾਗਰਾਂ ਦੇ ਨਾਮ ਵੀ ਦੱਸਦਾ ਪਰ ਪੁਲਿਸ ਵਲੋਂ ਕੋਈ ਕਾਰਵਾਈ ਨਹੀਂ ਕੀਤੀ। ਉਲਟਾ ਨਸ਼ਾ ਲੈਕੇ ਆਪਣੇ ਕੋਲ ਰੱਖ ਲਿਆ। ਮੋਨੂੰ ਨੇ ਕਿਹਾ ਗਾਂਧੀ ਨਗਰ ਕੈਂਪ ਦੇ ਹਰੇਕ ਘਰ ਵਿੱਚੋ ਨਸ਼ਾ ਮਿਲ ਜਾਵੇਗਾ। ਜੇਕਰ ਪੁਲਿਸ ਆਪਣੀ ਡਿਊਟੀ ਇਮਾਨਦਾਰੀ ਨਾਲ ਕਰੇ।
ਉਸਨੇ ਕਿਹਾ ਗਾਂਧੀ ਨਗਰ ਕੈੰਪ ਵਿਚ ਛੋਟੇ ਛੋਟੇ ਬੱਚੇ ਪੈਸਿਆਂ ਦੇ ਲਾਲਚ ਵਿੱਚ ਆਕੇ ਨਸ਼ਾ ਵੇਚ ਰਹੇ ਹਨ। ਪੁਲਿਸ ਨੂੰ ਸਭ ਪਤਾ ਹੈ ਪਰ ਕਾਰਵਾਈ ਕੋਈ ਨਹੀਂ। ਹੁਣ ਮੋਨੂੰ ਪੁਲਿਸ ਕੋਲ ਇਨਸਾਫ ਦੀ ਮੰਗ ਕਰ ਰਿਹਾ ਹੈ ਅਤੇ ਉਹਨਾਂ ਨਸ਼ੇ ਦੇ ਸੌਦਾਗਰਾਂ ਉੱਤੇ ਕਾਰਵਾਈ ਕੀ ਹੁੰਦੀ ਹੈ ਇਹ ਹੁਣ ਦੇਖਣਾ ਹੋਵੇਗਾ। ਦੂਜੇ ਪਾਸੇ ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਅਜੇ ਲਿਖਤੀ ਸ਼ਿਕਾਇਤ ਮੋਨੂੰ ਵਲੋਂ ਦਰਜ ਨਹੀਂ ਕਰਵਾਈ ਗਈ। ਜਦੋਂ ਵੀ ਸ਼ਿਕਾਇਤ ਦਰਜ ਕਰਵਾਈ ਜਾਵੇਗੀ ਤਾਂ ਕਾਰਵਾਈ ਵੀ ਜਰੂਰ ਕੀਤੀ ਜਾਵੇਗੀ। ਉਥੇ ਹੀ ਪੁਲਿਸ ਨੂੰ ਜਦ 10 ਗ੍ਰਾਮ ਨਸ਼ੇ ਬਾਰੇ ਪੁੱਛਿਆ ਗਿਆ ਤਾਂ ਜਨਾਬ ਨੇ ਹੱਸਦੇ ਕਿਹਾ ਮੋਨੂੰ ਝੂਠ ਬੋਲ ਰਿਹਾ ਹੈ। ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਅਸੀਂ ਸਾਰੇ ਪੁਲਿਸ ਅਧਿਕਾਰੀ ਗਲਤ ਨਹੀਂ ਕਹਿੰਦੇ। ਪਰ ਕੁਝ ਐਸੇ ਪੁਲਿਸ ਅਧਿਕਾਰੀ ਹੁੰਦੇ ਹਨ ਜਿਹ੍ਹਨਾਂ ਕਰਕੇ ਬਾਕੀਆਂ ਦਾ ਵੀ ਅਕਸ਼ ਖ਼ਰਾਬ ਹੁੰਦਾ ਹੈ।
