ਅੱਜ ਸ਼ਾਮ ਨੂੰ ਮੈਡੀਕਲ ਕਰਵਾ ਕੇ ਭੇਜਿਆ ਜਾਵੇਗਾ ਜੇਲ
ਫਿਰੋਜ਼ਪੁਰ : ਮਾਝੇ ਮਾਲਵੇ ਨੂੰ ਜੋੜਨ ਵਾਲੇ ਫਿਰੋਜ਼ਪੁਰ ਦੇ ਬੰਡਾਲਾ ਪੁਲ ਉੱਪਰ ਅਮ੍ਰਿਤਪਾਲ ਸਿੰਘ ਦੇ ਹੱਕ ਵਿਚ ਧਰਨਾਂ ਦੇ ਰਹੇ ਵਿਆਕਤੀਆਂ ਵਿਚੋਂ 25 ਵਿਅਕਤੀਆਂ ਨੂੰ ਅੱਜ ਸਵੇਰੇ ਫਿਰੋਜ਼ਪੁਰ ਪੁਲਿਸ ਵੱਲੋਂ ਗ੍ਰਿਫਤਾਰ ਕੀਤਾ ਗਿਆ ਅਤੇ ਕਾਰਵਾਈ ਕਰਦਿਆਂ ਅੱਜ ਸ਼ਾਮੀ ਓਹਨਾ ਦਾ ਮੈਡੀਕਲ ਕਰਵਾ ਕੇ ਜੇਲ ਵਿਚ ਭੇਜਿਆ ਗਿਆ। ਦੱਸਣਯੋਗ ਹੈ ਕਿ ਗ੍ਰਿਫਤਾਰ ਧਰਨਾਕਾਰੀਆਂ ਵਿਚ ਤਿੰਨ ਨੌਜਵਾਨ ਵੀ ਹਨ ਜਿੰਨਾਂ ਦਾ 24 ਮਾਰਚ ਨੂੰ ਬਾਹਰਵੀਂ ਜਮਾਤ ਦਾ ਪੇਪਰ ਵੀ ਹੈ।
ਸਿਵਲ ਹਸਪਤਾਲ ਫਿਰੋਜ਼ਪੁਰ ਦੇ ਬਾਹਰ ਪੁਲਿਸ ਦੀ ਬਸੱ ਚ ਮੈਡੀਕਲ ਕਰਵਾਉਣ ਲਈ ਲਿਆਂਦੇ ਧਰਨਾਕਾਰੀ ਕਹਿ ਰਹੇ ਸਨ ਕਿ ਉਹ ਬਿਲਕੁਲ ਸ਼ਾਂਤਮਈ ਪ੍ਰਦਰਸ਼ਨ ਕਰ ਰਹੇ ਸਨ ਅਤੇ ਪੁਲਿਸ ਦੀ ਹਰ ਗੱਲ ਮੰਨ ਰਹੇ ਸਨ। ਓਹਨਾ ਕਿਹਾ ਕਿ ਪੁਲਿਸ ਅਧਿਕਾਰੀਆ ਨਾਲ ਲਗਾਤਾਰ ਤਾਲ ਮੇਲ ਹੋ ਰਿਹਾ ਸੀ ਅਤੇ ਧਰਨਾਂ ਚੁੱਕਣ ਲਈ ਪੁਲਿਸ ਅਧੀਕਾਰੀਆ ਨਾਲ ਗੱਲਬਾਤ ਹੋ ਚੁੱਕੀ ਸੀ ਪਰ ਅੱਜ ਤੜਕੇ ਪੁਲਿਸ ਨੇ ਧਰਨਾਕਾਰੀਆ ਨੂੰ ਧੱਕੇ ਨਾਲ ਚੁੱਕ ਲਿਆਂਦਾ। ਓਹਨਾ ਮੰਗ ਕੀਤੀ ਕਿ ਜਲਦ ਹੀ ਫੜੇ ਧਰਨਾਕਾਰੀਆਂ ਨੂੰ ਛੱਡਿਆ ਜਾਵੇ ਨਹੀਂ ਤਾਂ ਪੂਰੇ ਪੰਜਾਬ ਵਿਚ ਧਰਨੇ ਲਗਾਏ ਜਾਣਗੇ।
