ਬਠਿੰਡਾ : ਅਕਸਰ ਤੁਸੀਂ ਸੁਣਿਆ ਹੋਵੇਗਾ ਕਿ ਚਾਹ ਪੱਤੀ ਤੇ ਲੋਂਗ ਲਾਈਚੀ ਅਦਰਕ ਨਾਲ ਬਣਦੀ ਹੈ , ਪਰ ਬਠਿੰਡਾ ਦੇ ਮਾਲ ਰੋਡ ਦੇ ਉੱਤੇ ਰੇਹੜੀ ਲਾ ਕੇ ਇਕ ਵਿਅਕਤੀ ਡਰਾਈ ਫਰੂਟ ਪਾ ਕੇ ਚਾਹ ਬਣਾ ਰਿਹਾ ਹੈ। ਡਰਾਈ ਫਰੂਟ ਪਾ ਕੇ ਚਾਹ ਬਣਾਉਣ ਵਾਲੇ ਰਮੇਸ਼ ਕੁਮਾਰ ਬਾਂਸਲ ਨੇ ਦੱਸਿਆ ਕਿ ਉਸਨੂੰ ਇਹ ਨੁਸਕਾ ਉਸਦੇ ਗੁਰੂ ਨੇ ਦਿੱਤਾ ਸੀ ਅਤੇ ਉਹਨਾਂ ਦੇ ਕਹਿਣ ਤੇ ਹੀ ਉਹ ਚਾਹ ਦੇ ਵਿੱਚ ਕਾਜੂ, ਬਦਾਮ, ਅਖਰੋਟ, ਕਿਸ਼ਮਿਸ਼, ਛੂਹਾਰੇ, ਗੁੜ, ਖਸਖਸ, ਸੌਂਫ, ਜੜੀ ਬੂਟਿਆਂ ਨਾਲ ਤਿਆਰ ਕੀਤਾ ਗਿਆ । ਬਾਂਸਲ ਨੇ ਦਸਿਆ ਕਿ ਉਸਦੀ ਚਾਹ ਜਿਹੜੇ ਵੀ ਲੋਕ ਪੀਣ ਵਾਸਤੇ ਆਉਂਦੇ ਹਨ ਉਹ ਵਾਰ ਵਾਰ ਚਾਹ ਮੰਗਦੇ ਹਨ।
ਸਿਹਤ ਵਾਸਤੇ ਵੀ ਇਹ ਚਾਹ ਕਾਫੀ ਫਾਇਦੇਮੰਦ ਹੈ। ਇਹਦੇ ਨਾਲ ਹੀ ਇੱਕ ਕੱਪ ਚਾਹ ਪੀਣ ਦੇ ਨਾਲ ਸਰੀਰ ਦੇ ਵਿੱਚ ਜਾਨ ਪੈਂਦੀ ਅਤੇ ਕਮਜੋਰੀ ਦੂਰ ਹੋ ਜਾਂਦੀ ਹੈ। ਬਾਂਸਲ ਦਾ ਦਾਵਾ ਹੈ ਕਿ ਸਰਦੀਆਂ ਦੇ ਵਿੱਚ ਇਹ ਚਾਹ ਦਾ ਕੱਪ ਕਾਫੀ ਫਾਇਦੇਮੰਦ ਹੈ , ਚਾਹ ਪੀਣ ਦੇ ਪੀਣ ਤੋਂ ਬਾਅਦ ਕਿਸੇ ਨੂੰ ਸਰਦੀ ਨਹੀਂ ਲੱਗਦੀ ਚਾਹੇ ਜਿੰਨੀ ਮਰਜ਼ੀ ਠੰਢ ਪੈ ਜਾਵੇ। ਉਸ ਕੋਲ ਦੂਰ-ਦੂਰ ਤੋਂ ਲੋਕ ਚਾਹ ਨੂੰ ਵੇਖਣ ਅਤੇ ਪੀਣ ਲਈ ਆਉਂਦੇ ਹਨ ਅਤੇ ਉਸਨੇ ਇਸ ਚਾਹ ਦੇ ਕੱਪ ਦਾ ਰੇਟ ₹40 ਰੁਪਏ ਰੱਖਿਆ ਹੈ।
