ਬਠਿੰਡਾ : ਪੁਲਿਸ ਵਲੋਂ ਰਾਜਿੰਦਰਾ ਕਾਲਜ ਰੋਡ ਦੇ ਉੱਤੇ ਕੁਝ ਔਰਤਾਂ ਵੱਲੋਂ ਭੋਲੇ ਭਾਲੇ ਲੋਕਾਂ ਨੂੰ ਜਾਲ ਚ ਫਸਾਉਣ ਤੋਂ ਬਾਅਦ ਮਰਦ ਸਾਥੀਆਂ ਨੂੰ ਬੁਲਾ ਕੇ ਲੂਟ ਖੋਹ ਅਤੇ ਕੁੱਟਮਾਰ ਦੇ ਦੋਸ਼ੀਆ ਨੂੰ ਗਿਰਫ਼ਤਾਰ ਕੀਤਾ ਗਿਆ ਹੈ। ਜਾਨਕਾਰੀ ਦਿੰਦੇ ਹੋਏ ਐਸ.ਪੀ ਸਿਟੀ ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਲੋਕਾਂ ਨੂੰ ਹਨੀ ਟ੍ਰੈਪ ਚ ਫਸਾਉਣ ਦੇ ਮਾਮਲੇ ਪੁਲਿਸ ਦੇ ਧਿਆਨ ਵਿੱਚ ਲੰਬੇ ਸਮੇਂ ਤੋਂ ਆ ਰਹੇ ਸਨ । ਜਿਸਤੇ ਕਾਰਵਾਈ ਕਰਦੇ ਹੋਏ ਹੁਣ ਪੁਲਿਸ ਵੱਲੋਂਜਾਲ ਵਿਛਾ ਕੇ ਪੰਜ ਔਰਤਾਂ ਅਤੇ 4 ਮਰਦ ਚਾਰ ਸਾਥੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਗਿਰੋਹ ਦੀਆ ਔਰਤਾਂ ਰਾਜਿੰਦਰਾ ਕਾਲਜ ਦੇ ਨੇੜੇ ਖੜ ਜਾਂਦੀਆਂ ਸਨ ਅਤੇ ਰਾਹਗੀਰਾਂ ਨੂੰ ਆਪਣੇ ਜਾਲ ਦੇ ਵਿੱਚ ਫਸਾ ਲੈਂਦੀਆਂ ਸਨ। ਬਾਅਦ ਚ ਔਰਤਾਂ ਆਪਣੇ ਮਰਦ ਸਾਥੀਆਂ ਨੂੰ ਬੁਲਾ ਕੇ ਰਾਹਗੀਰਾਂ ਦੀ ਕੁੱਟਮਾਰ ਕਰ ਲੁੱਟ ਲੈਂਦੀਆਂ ਸਨ। ਪੁਲਿਸ ਨੇ ਦੋਸ਼ੀਆਂ ਤੇ ਮਾਮਲਾ ਦਰਜ ਕਰ ਲਿਤਾ ਹੈ।
