ਫਗਵਾੜਾ: ਕਿਡਨੈਪਿੰਗ ਮਾਮਲੇ ਚ SP Gill ਨੇ ਕੀਤੇ ਖੁਲਾਸੇ , ਦੇਖੇ ਵੀਡੀਓ

ਫਗਵਾੜਾ/ਰਾਜੇਸ਼ ਕੁਮਾਰ: ਫਗਵਾੜਾ ਪੁਲਿਸ ਨੇ ਕਿਡਨੈਪਿੰਗ ਦੇ ਮਾਮਲੇ ਨੂੰ ਸੁਲਝਾਂਦੇ ਹੋਏ 5 ਦੋਸ਼ੀਆਂ ਨੂੰ ਗਿਰਫ਼ਤਾਰ ਕੀਤਾ ਹੈ । ਦੋਸ਼ੀਆਂ ਦੀ ਪਛਾਣ  ਤਨਵੀਰ ਕੁਮਾਰ ਉਰਫ ਤਿੰਨ ਪੁੱਤਰ ਵਿਸ਼ਨੂੰ ਕੁਮਾਰ ਵਾਸੀ ਮਾਲੀਆ ਖੁਰਦ ਥਾਣਾ ਕਾਦੀਆਂ ਜਿਲਾ ਗੁਰਦਾਸਪੁਰ ,ਗਗਨਦੀਪ ਸਿੰਘ ਉਰਫ ਗਗਨ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਮਾਨ ਨਗਰ ਥਾਣਾ ਸਿਵਲ ਲਾਇਨ ਬਟਾਲਾ, ਲਲਿਤ ਕੁਮਾਰ ਪੁੱਤਰ ਰਾਜ ਕੁਮਾਰ ਵਾਸੀ ਮੁਹੱਲਾ ਅਸ਼ੋਕ ਗਲੀ ਦੀਨਾਨਗਰ , ਦਲਜੀਤ ਸਿੰਘ ਪੁੱਤਰ ਦਰਸ਼ਨ ਸਿੰਘ ਵਾਸੀ ਸਨਸਿਟੀ ਇਨਕਲੇਵ ਬਟਾਲਾ, ਸ਼ਮਸ਼ੇਰ ਸਿੰਘ ਪੁੱਤਰ ਭਾਨ ਸਿੰਘ ਵਾਸੀ ਕੋਟਲਾ ਭਾਨ ਵਜੋਂ ਹੋਇ ਹੈ । ਮੀਡਿਆ ਨੂੰ ਜਾਣਕਾਰੀ ਦਿੰਦੇ ਹੋਏ ਐਸ.ਪੀ ਗੁਰਪ੍ਰੀਤ ਸਿੰਘ ਗਿੱਲ ਨੇ ਦੱਸਿਆ ਕਿ ਥਾਣਾ ਸਿਟੀ ਫਗਵਾੜਾ ਵਿਖੇ ਵਿਵੇਕ ਕੁਮਾਰ ਪੁੱਤਰ ਬਲਵੀਰ ਸਿੰਘ ਵਾਸੀ ਦਸ਼ਮੇਸ਼ ਨਗਰ  ਜਲੰਧਰ ਨੇ ਸ਼ਿਕਾਇਤ ਦਰਜ ਕਾਰਵਾਈ ਸੀ ਕਿ ਬਾਊਸਰ ਦੇ ਤੌਰ ਤੇ ਸੋਨੂੰ ਅਤੇ ਉਸਦੀ ਪਤਨੀ ਜੋਤੀ ਨਾਲ ਲੱਗਾ ਸੀ ਤਾਂ ਮਿਤੀ 21.07.2023 ਨੂੰ ਵਕਤ ਕਰੀਬ 12.30 ਤੇ ਸੋਨੂੰ ਨੂੰ ਨਾਮਲੂਮ ਵਿਅਕਤੀ ਮਿਲਣ ਲਈ ਆਏ ਤੇ ਸੋਨੂੰ ਅਤੇ ਉਸਦੀ ਪਤਨੀ ਜੋਤੀ ਨੂੰ ਅਗਵਾਹ ਕਰਕੇ ਲੈ ਗਏ । ਜਿਸ ਤੇ ਕਾਰਵਾਈ ਕਰਦੇ ਹੋਏ ਪੁਲਿਸ ਨੇ ਨਾਮਲੂਮ ਵਿਅਕਤੀਆਂ ਦੇ ਖਿਲਾਫ ਮਾਮਲਾ ਦਰਜ ਕਰ ਲਿਆ। 

ਥਾਣਾ ਸਿਟੀ ਫਗਵਾੜਾ ਪੁਲਿਸ ਵਲੋਂ ਤੁਰੰਤ ਕਾਰਵਾਈ ਕਰਦੇ ਹੋਏ ਅਗਵਾ ਕਰਨ ਵਾਲਿਆਂ ਵਿੱਚੋਂ ਇਕ ਦੋਸ਼ੀ ਸ਼ਮਸ਼ੇਰ ਸਿੰਘ ਪੁੱਤਰ ਭਾਨ ਸਿੰਘ ਵਾਸੀ ਕੋਟਲਾ ਭਾਨ  ਨੂੰ ਮਿਤੀ 21.07.2023 ਨੂੰ ਹਸਬ ਜਾਬਤਾ ਗ੍ਰਿਫਤਾਰ ਕੀਤਾ ਗਿਆ ਜਿਸਨੇ  ਦੱਸਿਆ ਕਿ ਉਹਨਾ ਨੇ ਸੰਨਸਿਟੀ ਇਨਕਲੇਵ ਬਟਾਲਾ ਕਿਸੇ ਦੇ ਘਰ ਵਿੱਚ ਪੀੜਤ ਸੋਨੂੰ ਅਤੇ ਉਸਦੀ ਪਤਨੀ ਜੋਤੀ ਨੂੰ ਬੰਦ ਕਰਕੇ ਰੱਖਿਆ ਹੋਇਆ ਹੈ ਜਿਸਦੀ ਨਿਸ਼ਾਨਦੇਹੀ ਪਰ ਪੁਲਿਸ ਪਾਰਟੀ ਵਲੋਂ  ਰੇਡ ਕਰਕੇ ਤਨਵੀਰ ਕੁਮਾਰ ਉਰਫ ਤੰਨੂ, ਗਗਨਦੀਪ ਸਿੰਘ ਉਰਫ ਗਗਨ, ਲਲਿਤ ਕੁਮਾਰ ਅਤੇ ਦਲਜੀਤ ਸਿੰਘ ਨੂੰ  ਸਨਸਿਟੀ ਇਨਕਲੇਵ ਬਟਾਲਾ ਤੋ ਗ੍ਰਿਫਤਾਰ ਕਰ  ਪੀੜਤ ਸੋਨੂੰ ਅਤੇ ਉਸਦੀ ਪਤਨੀ ਜੋਤੀ ਨੂੰ ਉਹਨਾ ਪਾਸੋ ਛੁਡਵਾਇਆ ਗਿਆ । ਇਹ ਕਿਡਨੈਪਿੰਗ ਪੀੜਤ ਸੋਨੂੰ ਅਤੇ ਦੋਸ਼ੀ ਤਨਵੀਰ ਦੀ ਆਪਸ ਵਿੱਚ ਪੈਸਿਆ ਦੀ ਲੈਣ ਦੇਣ ਕਰਕੇ ਕੀਤੀ ਗਈ ਸੀ । ਪੁਲਿਸ ਨੇ ਦੋਸ਼ੀਆਨ  ਕੋਲੋਂ ਵਾਰਦਾਤ ਸਮੇਂ ਵਰਤੇ ਹਥਿਆਰ, ਗੱਡੀ ਨੰਬਰੀ ਪੀ ਬੀ 06 ਏ,ਜੋ 1307 ਮਾਰਕਾ ਆਈ-201 ਬਰਾਮਦਗੀ ਕੀਤੀ ਹੈ । ਪੁਲਿਸ ਦੋਸ਼ੀਆ ਨੂੰ ਪੇਸ਼ ਅਦਾਲਤ ਕਰ ਰਿਮਾਂਡ ਹਾਸਲ ਕਰਪੁੱਛਗਿੱਛ ਕਰ ਰਹੀ ਹੈ ਜਿਹਨਾ ਪਾਸੋ ਅਜਿਹੀਆ ਹੋਰ ਵੀ ਵਾਰਦਾਤਾ ਟਰੇਸ ਹੋਣ ਦੀ ਸੰਭਾਵਨਾ ਹੈ।