ਨੰਗਲ/ਸੰਦੀਪ ਸ਼ਰਮਾ : ਪਿੱਛਲੇ ਦਿਨੀ 15ਅਗਸਤ ਨੂੰ ਭਾਖੜਾ ਡੈਮ ਵੱਲੋਂ ਛੱਡੇ ਗਏ ਪਾਣੀ ਨੇ ਜਿੱਥੇ ਪੰਜਾਬ ਵਿੱਚ ਭਾਰੀ ਤਬਾਹੀ ਮਚਾਈ ਸੀ। ਉੱਥੇ ਹੀ ਕਈ ਪਰਿਵਾਰ ਘਰੋਂ ਬੇਘਰ ਹੋ ਗਏ ਸਨ ਜਿਹਨਾਂ ਦੀਆ ਕੱਚੀ ਛਨਾ ਝੂਗੀਆਂ ਅਤੇ ਕਈ ਪੱਕੇ ਮਕਾਨ ਵੀ ਹੜ੍ਹ ਦੀ ਭੇਂਟ ਚੜ੍ਹ ਗਏ ਸਨ। ਲਗਾਤਾਰ ਲ਼ੋਕ ਮੱਦਦ ਦੀ ਅਪੀਲ ਕਰਦੇ ਰਹੇ ਜਿਹਨਾਂ ਲਈ ਸਰਕਾਰਾ ਵੱਲੋਂ ਦਿੱਤੀ ਰਾਹਤ ਨਾ-ਕਾਫ਼ੀ ਸੀ।
ਫ਼ਿਰ ਸਮਾਜ ਸੇਵੀ ਮੱਦਦ ਲਈ ਅੱਗੇ ਆਏ। ਜਿਹਨਾਂ ਵਿਚ ਇੱਕ ਨਾਮ ਬਾਬਾ ਅਜੀਤਪਾਲ ਸਿੰਘ ਖ਼ਾਲਸਾ ਦਾ ਹੈ ਜ੍ਹਿਨਾਂ ਨੇ ਪਿੰਡ ਭਾਨਾਮ ਦੇ 7 ਬਿਲਕੁਲ ਜਿਆਦਾ ਲੋੜਬੰਦ ਪਰਿਵਾਰਾਂ ਦੇ ਘਰ ਬਣਾਉਣ ਦਾ ਬੀੜ੍ਹਾ ਚੁੱਕਿਆ। ਜਿਸਦੀ ਸ਼ੁਰੂਆਤ ਉਹਨਾਂ ਵੱਲੋਂ ਬੀਤੇ ਕੱਲ੍ਹ ਤੋਂ ਕਰ ਵੀ ਦਿੱਤੀ ਗਈ ਆ। ਇਸ ਮੌਕੇ ਸਾਡੇ ਨਾਲ ਗੱਲਬਾਤ ਕਰਦਿਆਂ ਬਾਬਾ ਅਜੀਤਪਾਲ ਸਿੰਘ ਖਾਲਸਾ ਨੇ ਸੰਗਤਾਂ ਨੂੰ ਅੱਗੇ ਆ ਕੇ ਵੱਧ ਚੜ੍ਹ ਕੇ ਲੋੜਬੰਦ ਪਰਿਵਾਰਾਂ ਦੀ ਮੱਦਦ ਲਈ ਜਰੂਰੀ ਵਸਤਾਂ ਦੇਣ ਦੀ ਅਪੀਲ ਵੀ ਕੀਤੀ।
